मङ्सिर १९ गते,इनरुवा । सुनसरीमा विभिन्न कार्यक्रमको आयोजना गरि महिला स्वास्थ्य स्वयमसेविका दिवश मनाइएको छ । जिल्लाका स्वास्थ्य संस्थाहरुमा १९ औं महिला सामुदायिक स्वास्थ्य स्वयंसेविका दिवशको अवसरमा विभिन्न कार्यक्रम गरिएको हो ।
जिल्लाभरी अन्तरकृया, छलफल र र्याली सहित स्वयमसेविका दिवश मनाएको छ ।
उता महिला सामुदायिक स्वास्थ्य स्वयंसेविकाको प्रतिबद्धता स्वास्थ्य प्रवर्धनमा हाम्रो एक्यवद्धता भन्ने नारा सहित इनरुवा नगरपालिकाका प्रमुख केदार भण्डारीको प्रमुख अतिथ्यतामा १९ औ स्वयमसेविका दिवश मनाइएको हो । 
नगरपालिकाका बिभिन्न वडाहरुमा महिला सामुदायिक स्वास्थ स्वयंसेविकाहरुसँग महिला स्वास्थ्य स्वयम सेविका दिवस मनाएको जनाएको छ । कार्यक्रममा नगर प्रमुख केदार भण्डारीले महिला स्वास्थ्य स्व्यमसेविकाहरुको योगदानको प्रसंशा गर्दै आउने दिनमा महिला स्वास्थ्य स्व्यमसेविकाहरुलाई प्रोत्साहन गर्न बिभिन्न योजनाहरु ल्याइने प्रतिबद्धता व्यक्त गर्नुभयो । इनरुवा नगरपालिका भरीका ९८ जना महिला स्वास्थ्य स्व्यम सेविका रहेका छन ।
उनीहरुले महिला तथा बालबालिकाको जनस्वास्थ्यका सवालमा राष्ट्रियले तोकेका कार्यहरु गर्दै आएका छन् । कार्यक्रममा इनरुवा नगरपालिकाका जनस्वास्थ्य शाखा प्रमुख निखिल पोखरेलले नगरका प्रमुख केदार भण्डारी लगायतले महिला स्वास्थ्य स्व्यमसेविकाको योगदानको चर्चा गर्नुभयो । कार्यक्रम इनरुवाका पुरानो स्वास्थ्य चौकी भएका वडाहरु वडा नं.४ ,६ ,७ ,९ ,१० तथा हालको वडा ८ मा दिवशको कार्यक्रम सम्पन्न भएको छ । यसैबीच महिला सामुदायिक स्वास्थ्य स्वयंसेविकाको प्रतिबद्धता स्वास्थ्य प्रवर्धनमा हाम्रो एक्यवद्धता नारा सहित दिवस मनाइएको प्राथमिक स्वास्थ्य केन्द्र सतैरझोराकी विनिका मेहताले जानकारी दिनुभयो । अन्तर्राष्ट्रिय स्तरमा स्वयंसेवकको रुपमा काम गर्ने व्यक्तित्वको उच्च सम्मानस्वरुप हरेक वर्ष डिसेम्बर ५ तारिखका दिन अन्तर्राष्ट्रिय स्वयंसेवक दिवस मनाउने गरिन्छ । तर नेपालमा भने महिला स्वास्थ्य सेविकालाई नै स्वयंसेवकका रुपमा उच्च सम्मान गर्दै डिसेम्बर ५ तारिखमा महिला स्वास्थ्य स्वयंसेविका दिवस मनाइन्छ ।
नेपालमा आर्थिक वर्ष २०४५÷४६ देखि तराईका २७ जिल्लामा र क्रमैसँग सबै जिल्लामा स्वास्थ्य सेवक कार्यक्रमको थालनी भएको थियो ।
सुरुमा हरेक वडाका १ जना सेविकाका दरले परिचालित हुने गरी सुरु भएको महिला स्वास्थ्य स्वयंसेविकालाई स्थानीय वडाबाटै छनोट गरी १५ दिनको आधारभूत तालिम प्रदान गरी महिला स्वास्थ्य स्वयंसेविका कार्यक्रममा परिचालित गरिएको छ ।
