जयकृष्ण यादव
मङ्सिर १९ गते,इनरुवा । सुनसरीको रामधुनीमा आयोजित एक कार्यक्रमका सहभागिहरुले उपेक्षित ट्रपिकल रोगहरुको बारेमा सचेतना आवश्यक रहेको बताएका छन् । फारमेडको सहयोगमा सेभ द अर्थ सुनसरीले सञ्चालन गरेको विश्वास परियोजना कार्यक्रम अन्तरगत आईतबार गरेको मेडिया सेयरिगं कार्यक्रमका विभिन्न दश रोगहरु उपेक्षामा परेको भन्दै त्यसमा ध्यान दिदै ती रोगहरुको बारेमा सचेतनामुलक कार्यक्रम आवश्यक रहेकोमा जोड दिएका हुन् । कार्यक्रममा सेभ द अर्थ सुनसरीका अध्यक्ष पुष्प भट्टराईले आफूहरुले आयोजना गरेको मेडिया सेयरिगं कार्यक्रमका पत्रकार सहित सारोकारबालाहरुलाई देशको उपेक्षित ट्रपिकल रोगहरुको बारेमा जानकारी दिने र त्यसका लागि भईरहेको पहल र थप गर्नुपर्ने पहल प्रयासका बारेमा छलफल गर्न कार्यक्रम आयोजना गरेको जानकारी दिनुभयो । भट्टराईले अहिले सीमावर्ती ग्रामिण तथा सीमातकृत समुदायमा सचेतनामुलक कार्यक्रम आवश्यक रहेको बताउनुभयो । उहाँले आफूहरुले जिल्लाको दुहवी र इनरुवा नगरपालिका सहित आठ स्थानीय तहमा सेभ द अर्थ सुनसरीको आयोजनामा विश्वास परियोजना मार्फत उपेक्षित ट्रपिकल रोगहरुको बारेमा ग्रामिण तथा सीमातकृत समुदायमा सचेतनामुलक कार्यक्रम गर्दै आएको बताउनुभयो ।
कार्यक्रममा दिएको जानकारी अनुसार एनटीडी एण्ड एमएनएच सहितका कार्यक्रमहरु विश्वास परियोजनामा समावेश गरिएको छ । उपेक्षित ट्रपिकल रोगहरुलाई कसरी मिडियामैत्री बनाएर ल्याउने र त्यसको बारेमा प्रत्येक नागरिक सहित ग्रामिण तथा सीमातकृत समुदायमा सचेतना फैलाउने त्यसबारेमा गहन छलफल गरेको कार्यक्रम अधिकृत मनिष सुवेदीले जानकारी दिनुभयो । कार्यक्रममा नेपाल पत्रकार सहासंघका सुनसरी उपाध्यक्ष उषाकिरण घिमिरेले मिडियामा पत्रकारहरुले पहिला पनि गर्दै आएको मिडिया एडभोकेसी निरन्तर रुपमा गर्ने बताउनुभयो । त्यसका सरोकारबाला बीचमा समन्वय आवश्यक रहेको उहाँले बताउनुभयो ।
नेपाल पत्रकार महासंघका केन्द्रिय सदस्य अमर खड्काले मेडियाले आबाज विहिनको आबाज बोल्ने गरेको र यसप्रकारको उपेक्षित ट्रपिकल रोगहरुको बारेमा समेत थप सूचना र समाचार प्रवाहमा प्रतिवद्ध रहेको बताउनुभयो । ग्रामिण तथा सीमातकृत समुदायमा सचेतनामुलक कार्यक्रम आवश्यक रहेकोमा खड्काको पनि जोड थियो । फेयरमेड गरिबको समस्यासंग नजिक भएर काम गर्ने, उपेक्षित ट्रपिकल रोगहरुको बारेमा ग्रामिण तथा सीमातकृत समुदायमा सचेतना फैलाउने काम गर्दै आएको समेत बताएका हुन् । उपेक्षित उष्ण प्रदेशिय रोगहरु विश्वको १४९ देशमा रहेको र त्यसका बारेमा सबै गरिब, विभिन्न एवम् ग्रामिण तथा सीमातकृत समुदायमा सचेतनामुलक कार्यक्रम आवश्यक रहेको जानकारी दिएको थियो ।
यसअन्तरगत पर्ने रोगहरुमा कुष्टरोग, हात्तिपाईले, जुका, डेगुं, रेविज, सर्पदंश, लुतो, कालाजार,फिते जुका र खस्रे पर्ने गरेको सुवेदीले जानकारी दिनुभयो ।
कार्यक्रममा दिएको जानकारी अनुसार भित्रभित्रै कुष्टरोगीको संख्या दिन प्रतिदिन बढदै गएको छ । यस वर्ष मात्रै नयाँ चार जना कुष्ठरोगी भेटिएको छ ।
