फागुन,९गते,हरिनगर। अरफेन्स इन निड नामक गैरसरकारी संस्थाले हरिनगर गाउँपालिकाका तीन सय एकल महिला परिवारलाई खाद्यान्न तथा न्यानो कपडा वितरण गरेका छन् ।
प्राप्त जानकारी अनुसार प्रति परिवार चामल २० किलो, चिउरा ५ किलो, भुजा ४ किलो, चिनी २ किलो, चियापति ५ सय ग्राम, चना २ किलो, मसुर दाल २ किलो, सोयाबिन ५ सय ग्राम, खाने तेल २ लिटर, धनिया धुलो ५ सय ग्राम, खुर्सानि धुलो ५ सय ग्राम, बेसार धुलो ५ सय ग्राम, नुन २ किलो, सर्फ १ किलो, लुगाधुने साबुन ४ थान, नुहाउने साबुन ४ थान र न्यानो बलैंकेट १ थान वितरण गरिएको हो ।
बि.सं.२०६९ सालमा स्थापना भएको अरफेन्स इन निड नामक यस संस्थाले अनाथ छात्रवृति ,एकल महिलाहरुलाई खाद्यान्न वितरण कार्यक्रम , कम्बल वितरण , विद्यार्थीहरुलाई पोशाक वितरण ,जीवकोर्पाजनका लागि विकास कार्यक्रम सञ्चालन गर्दै आएको आयोजक संस्थाका नजाम अन्सारीले जानकारी दिनु भयो । यस संस्थाको हालसम्मको कार्य क्षेत्र इनरुवा न.पा., दुहवी न.पा., हरिनगर गा.पा., भोक्राहा नरसिंह गा.पा. , कोशी गा.पा. प्रस्तावित गोरखा ,बारा ,कास्की जिल्लाको पोखरा समेत रहेका छन् । यस संस्थाले आ.व.२०७३/०७४ देखि हाल सम्म गरेका कार्य प्रगति विवरण समेत सार्वजनिक गरेका छन् । अरफेन्स इन निड, नेपालका अध्यक्ष मौलाना वाजुद्दिन मियाँको अध्यक्षतामा सम्पन्न सो कार्यक्रमका प्रमुख अतिथि हरिनगर गाउँपालिकाका उपाध्यक्ष रिमझिम कुमारी भगत , शिक्षा ,युवा तथा खेलकुद शाखाका अजित कुमार मल्लिक , सुरक्षा निकाय, स्थानीय बुद्धिजीवी , पत्रकारहरु समेतको उपस्थिति रहेको थियो ।
