गनेश कुमार यादव
इनरुवा । सुनसरीको इनरुवामा “जनताको साथमा काँग्रेस अभियान” उद्घाटन भएको छ ।
नेपाली कांग्रेसका उपसभापति विजय कुमार गच्छदारले शुक्रबार विधिवत रुपमा पानसमा दीप प्रज्वलन गरि “जनताको साथमा काँग्रेस अभियान” उद्घाटन गरेका हुन् ।
नेपाली काँग्रेस जिल्ला कार्यसमिति सुनसरीले भदौ –१० गते शुक्रबार देखी भदौ २४ गते सम्म “जनताको साथमा काँग्रेस अभियान” चल्ने जिल्ला कार्यसमिति सुनसरीले जनाएको छ ।
उद्घाटन पश्चात भदौ १७ गतेदेखि नगरपालिका र वडामा जिल्ला प्रतिनिधि तथा पदाधिकारीहरूको सहभागितामा अन्तरक्रिया तथा जनताको कुरा सुन्नका लागि घरघर जाने कार्यक्रम रहेको जिल्ला कार्यसमिति सुनसरीले जनाएको छ ।
उद्घाटन समारोहमा नेपाली कांग्रसका केन्द्रिय सदस्य राजिव कोईरालाले “युवाहरूले हाम्रो कुरा सुनिरहेको छैन ।,भनेर बताउनु भयो । कोइरालाले “हामीलाई युवाहरूले बोझ गरे जस्तो महसुस गरेको छ, अहिले युवाहरू बालेनको दारी, चस्मा र अर्क साम्पाङको गिट्टी फोडेको तिर बढी आकर्षित छ हाम्रो कुरा सुनिरहेको छैन ।,सुनसरीमा देश भरिमा युवाको जमात कति छर ? सुनसरीमा युवाको जमात कति छ? त्यसलाई हामिले कसरी प्रभावित पार्ने ? अत्यासको एउटा प्याकेज तपाई हामी सबैले मिलेर ल्याउनु परो ।”भनेर बताउनु भयो ।
त्यसैगरी कार्यक्रमका विशिष्ट अतिथि नेपाली कांग्रेसका केन्द्रिय सदस्य अमृत अर्यालले निर्वाचनको बेलामा गुटको उपगुट नगर्न सबै कांग्रेसका नेता तथा कार्यकर्तालाई आग्रह गर्नुभयो ।
उनले “गुटको राजनीति भन्दा बाहिर रहेर हामिले सबै कार्यकर्तालाई समेट्ने प्रयास गर्यौ भने निर्वाचनमा हाम्रो विजय सम्भव छ ।,‘ गुटको हिसाबमा हामिले टिकट बाँड्ने हिसाबमा र कस्लाई छान्ने कस्लाई नछान्ने कुरामा विवाद गर्न लाग्यौ भने हामी यो निर्वाचन जित्न सक्दनौं ।” भन्नु भयो ।
कार्यक्रममा प्रमुख अतिथि नेपाली कांग्रेसका उपसभापति विजय कुमार गच्छदार, विशिष्ट अतिथि नेपाली कांग्रेसका केन्द्रिय सदस्य राजिव कोइराला, नेपाली कांग्रेसका केन्द्रिय सदस्य अमृत अर्याल, संघीय सांसद सिताराम मेहता, प्रदेश सांसद ज्योती सुब्बा, नेपाली कांग्रेसका जिल्ला सभापति तथा इनरुवा नगरपालिकाका मेयर केदार भण्डारी, नेपाली कांग्रेस सुनसरीका सचिव विरेन्द्र साह लगायतको आतिथ्यता रहेको थियो भने नेपाली काँग्रेसको प्रदेशका पदाधिकारी एवम् सदस्य, टोल तह देखि जिल्ला तह सम्मको सम्पूर्ण सभापति तथा पदाधिकाारीहरु, क्रियाशील सदस्य एवम् साधारण सदस्यहरू, भातृ संस्था तथा शुभेच्छुक संस्थाका सभापति तथा पदाधिकारी लगायत सहभागिताको रहेको थियो । उक्त कार्यक्रम नेपाली कांग्रेस सुनसरीका सचिव माधव घिसिङले चलाउनु भएको थियो । भिडियोहेर्न यहाँ क्लिक गर्नुहोस् : https://youtu.be/OwFgSj5jEzA
