फागुन ६ गते,इनरुवा।इनरुवा अन्तर विद्यालय फुटबल प्रातियाेगिता सम्पन्न भएकाे छ ।
शनिबार इनरुवा-५ बलाहामा लाटिदेवी स्पाेटर्स क्लबकाे आयाेजनामा इनरुवा अन्तर विद्यालय फुटबल प्रातियाेगिता सम्पन्न भएकाे हाे ।
उक्त प्रतियोगितामा नेपाल राष्ट्रिय हरी मा.वि चाँदबेला प्रथाम स्थान हात पार्न सफल भएकाे थियाे । इनरुवा इङ्गलिस बाेर्डिङ स्कुललाई एक गाेल हान्दै नेपाल राष्ट्रिय हरी मा.वि चाँदबेला प्रथाम स्थान हात पार्न सफल भएकाे लाटिदेवी स्पाेटर्स क्लबका सचिव राेहित थारुले जानकारी दिनुभयो ।
इनरुवा नगरपालिकाका नगर प्रमुख केदार भण्डारीले प्रतियाेगितामा प्रथम भएका नेपाल राष्ट्रिय हरी मा.वि चाँदबेलाका टिमलाई नगद रु १० हजार,सिल,मेड,प्रमाणपत्र हस्तान्तरण गर्नुभएकाे थियाे । त्यसैगरी इनरुवा नगरपालिका वडा नं-५ का वडा अध्यक्ष अनिल कुमार पाेखरेलले दाेश्राे स्थान हात पार्न सफल भएका इनरुवा इङ्गलिस बाेर्डिङ स्कुलका खेलाडीहरसलाई नगद रु ५ हजार,सिल,मेडल,प्रमाणपत्र हस्तान्तरण गर्नुभएकाे थियाे ।
उक्त प्रतियोगितामा म्यान अफ द म्याच इनरुवा इङ्गलिस बाेर्डिङ स्कुलका खेलाडी निरज यादव भएका थिए ।
उक्त प्रतियोगितामा इनरुवा नगर क्षेत्र भित्रका १४ वटा विद्यालयका विद्यार्थीहरुले भाग लिएका थिए ।
उक्त प्रतियोगितामा आफ्नो मन्तव्य राख्दै इनरुवा नगरपालिकाका नगर प्रमुख केदार भण्डारीले नगर स्तरिय खेलाडी प्रशिक्षण गर्ने,उत्पादन गर्ने र नगरकाे तर्फबाट खेल्ने एउटा सक्षम टिम बनाउने साेच राखेकाे बताउनुभयाे । यस्तो खेललाई एक वर्ष गरेर अर्को बर्ष छाेड्ने हाेइन यस्लाई निरन्तरता देर प्रत्येक बर्ष गर्ने उनले बताउनु भयाे ।
उक्त प्रतियोगिता इनरसवा नगरपालिकाका र इनरवा-५ नं वडाकार्यालय मुख्य प्रायाेजक रहेकाे थियाे ।
कार्यक्रममा प्रमुख अतिथि इनरुवा नगरपालिकाका नगर प्रमुख केदार भण्डारी,विशिष्ट अतिथि नेकपा एमालेका नेता खेमराज पाेखरेल,सुर्यकिरण एकेडेमीका प्रिन्सिपल मनाेज यादव,जिल्ला अस्पताल इनरुवा,सुनसरीका मेडिकल सुपरिटेन्डेन्ट डा.देवराज घिमिरे,इनरुवा-६ का वडा अध्यक्ष सुमन थापा,इनरुवा-५ का वडा अध्यक्ष अनिल कुमार पाेखरेल,वडा सदस्य नवीन दाहाल,यमकुमार श्रेष्ठ लगायतकाे आतिथ्य रहेकाे थियाे भने लाटिदेवी स्पाेटर्स क्लबका अध्यक्ष जीवन कुमार श्रेष्ठकाे अध्यक्षतामा उक्त प्रतियोगिता सम्पन्न भएकाे थियाे ।
