गनेश कुमार यादव
पुस १३ गते, इनरुवा । सुनसरी सदरमुकाम इनरुवा ९ बबिया स्थित रहेकाे जिल्ला शिक्षा समन्वय कार्यालयकाे चाैरमा सम्पन्न भएको स्थानीय स्तर कबड्डी प्रतियोगिताको उपाधि इनरुवाले हात पारेको छ ।
शनिबार बबिया कबड्डी खेलकुद उपभोक्ता समितिले आयोजनामा सम्पन्न स्थानीय स्तर कबड्डी प्रतियोगिताको फाइनल खेलमा बराहक्षेत्र नगरपालिकालाई ७२ अङ्क ल्याई पराजित गर्दै उपाधि इनरुवाले उपाधि हात पारेकाे हाे ।
बराहक्षेत्र नगरपालिकाका कबड्डी खेलाडीहरूले ५२ अङ्क ल्याएकाे थियाे भने इनरुवा नगरपालिकाका कबड्डी खेलाडीहरूले ७२ अङ्क ल्याउँदै प्रथम स्थान हात पारेकाे थियाे ।
उक्त प्रतियोगितामा प्रथम स्थान हात पार्न सफल भएका इनरुवाका कबड्डी खेलाडीहरूलाई इनरुवा नगरपालिका वडा नं-९ का वडाअध्यक्ष बसिरमुद्दिन मन्सुरीले नगद रु १५ हजार रुपियाँसहित पुरस्कार, सिल,मेडल र प्रमाणपत्र हस्तान्तरण गर्नुभएको थियो ।
त्यसैगरी उपविजेतामा बराहक्षेत्र नगरपालिकाका कबड्डी खेलाडीहरुलाई पनि वडाअध्यक्ष मन्सुरीले नगद रु १०,००० रुपियाँसहित सिल,मेडल र प्रमाणपत्र हस्तान्तरण गर्नुभएको बबिया कबड्डी खेलकुद उपभोक्ता समितिका कोषाध्यक्ष संजित साहले जानकारी दिनुभयो।बबियामा “स्वास्थ्यका लागि खेलकुद, राष्ट्रका लागि खेलकुद” भन्ने मूल नाराका साथ इनरुवा-९ बबियामा प्रथम पटक स्थानीयस्तर कबड्डी प्रतियोगिता आयोजना गरेकाे साथै उक्त खेल भव्य र सभ्य तरिकाले सम्पन्न भएको साहले जानकारी दिनुभएको हाे ।
राष्ट्रिय कबड्डी खेलाडी तथा उक्त समितिका सल्लाहकार जुग्नु साहले इनरुवालाई चिनाउने साथै युवा खेलाडीहरूलाई प्रोत्साहित गर्न र खेलप्रति जागरुकता बढाउन र नयाँ खेलाडी उत्पादनमा टेवा पुर्याउने उदेश्य साे खेलकाे आयाेजना गरेकाे बताउनुभयो ।
