भारतीय नागरिक ब्राउन सुगरसहित सशस्त्र प्रहरीको नियन्त्रणमा
असार १४ गते,इनरुवा । सुनसरीको कोशी गाउँपालिका वडा नं–१ स्थित सिमावर्ती क्षेत्रमा लागुऔषध ब्राउन सुगरसहित एक भारतीय नागरिक सशस्त्र प्रहरीको नियन्त्रणमा परेका छन्।
शनिबार साँझ कोशी गाउँपालिका–१, लौकहीबाट सशस्त्र प्रहरी बल, नेपाल BOP लौकहीबाट सशस्त्र प्रहरी हवल्दार दीपक श्रेष्ठको कमाण्डमा खटिएको ५ जनाको मोटरसाइकल गस्ती टोलीले भारत बिहारको अररिया जिल्ला बेलाग्राम पंचायत–८ का गणेश शर्मालाई नियन्त्रणमा लिएको हो।
BR 50AA8367 नम्बरको मोटरसाइकलमा नेपाल प्रवेश गर्दै गरेको अवस्थामा शंका लागि चेकजाँच गर्दा शर्माको साथबाट ब्राउन सुगर जस्तो देखिने खैरो पदार्थ प्लास्टिक सहित ६.६४ ग्राम (छ सय चौसठ्ठी मिलिग्राम) फेला परेको सशस्त्र प्रहरीले जनाएको छ।
शर्माको साथबाट फेला परेको लागुऔषध र मोटरसाइकल सशस्त्र प्रहरी बल, नेपाल BOP लौकहीले नियन्त्रणमा लिई आवश्यक कारबाहीको लागि नेपाल प्रहरीमा बुझाउने तयारी गरेको जनाएको छ।
